Кугезе кочамым молан геройлан шотлем, туддене молан кугешнем? Николай Иванович Кажаев Волжский район Ярамарий ялеш шочын. Чодыра пашазе лийын, колхозыштат тыршен. Но Кугу Ачамланде сар тыныс илышым лугыч ыштен. Кугезе кочам 1944 ийыште наступленийыш кайыме годым патырлыкым ончыктен. Тунам 96 салтаклан медицине полышым пуэн. Тудо санитар лийын. 1944 ий 7 августышто «За отвагу» медальым кучыктеныт. Котовицы олам утарымаш верч виян кредалмаште сусыр кок офицерым сӧй кокла гыч луктын. 1945 ий 5 февральыште тудлан III степенян Чап орденым кучыктеныт. Сар пытымеке, кочамым эше «За победу над Германией в Великой Отечественной войне 1941-1945 гг.» медаль дене палемденыт. Кугезе кочам, чынжымак, герой!
Дарья КАЖАЕВА.
Волжский, Мамасево.
