Авамын лӱмжӧ – Надежда (снимкыште). Тудо эн мотор, эн ныжылге. Ешыште кум изак-шоляк улына. Авам мемнам коклан «три богатыря» манеш. Тудын яра шинчымыжым ик ганат ужын омыл. Школ гыч толмашешем тутло кочкышым ямдыла. Кызыт авам изи шольымым мӧҥгыштӧ онча. Шерге еҥем чылт мӱкш гай. Кечыгут тӱрлӧ сомылым ышта. Меат изам дене полшена. Аванам пайрем дене саламлена.
Ярослав МИХАЙЛОВ.
Волжский, Сотнур.
Фотом еш архив гыч налме.
