Йоча да самырык-влакын «Движение Первых» российысе мер-кугыжаныш толкыныштын Марий Элысе пӧлкаже «Еш команде» спорт еш фестивальлан тӱҥалтышым пыштен. Тудо районлаште да олалаште 8 октябрь марте эртаралтеш. Икымше таҥасымаш Еш, йӧратымаш да икоян улмо кечын лийын. Тӱрлӧ вере тӱрлӧ сынан пайрем озаланен. Теве Йошкар-Олаште «Ме спорт еш улына» конкурс 10-шо номеран школ пелен эртаралтын. Тушко рӱдоласе 30 еш ушнен. Весела стартыште, куштымо батлыште да моло вереат вий-куатыштым тергеныт.
Л.НИКОЛАЕВА ямдылен.
Еш пайрем
