Марий Элым Вуйлатыше Ю.В.Зайцевын кӱштымыж почеш Запорожский областьысе Куйбышев район гыч Марий Элыш 12 йоча канаш да тазалыкым пеҥгыдемдаш толын. Ӱдыр-рвезе-влаклан жапым пайдалын эртараш поян программым ямдыленыт. Йоча-шамыч лагерьыште канат, театрыш, кинотеатрыш, тоштерыш коштыт, усталык мастер-класслаште лийыт да Марий Элын сылне верлашкыже экскурсий дене лектыт. Уна-влаклан Марий кундемыште келша да вес ганат толаш кумылышт лиеш, шонена.
Палемдыман, Ю.В.Зайцев йоча-влакын канышышт шотышто йодышым Запорожский областьыште лиймыж годым рашемден.
