Черепахын чотшо иземмылан тӱткышым ойыраш манын, 2000 ийыште ик компаний ты янлыкын кечыжым палемдаш темлен. Тыге 23 майыште черепахын кечыже «шочын».
Тӱнямбалне 350 утла тӱрлӧ черепахе уло. Нуно Антарктиде деч посна моло кундемыште илат, маныт шымлызе-шамыч. Марий Элыште пӱртӱсыштӧ ужаш ок лий. Но икшыве-влак ныл йолан йолташ семын мӧҥгыштышт ашнат.
– Мыйын черепахемын лӱмжӧ – Фрося. Тудым шочмо кечемлан Алёша изам пӧлеклен. Фрося аквариумышто ила. Йолташемым кукшо верыш жапын-жапын лукман. Кечыште кум гана пукшыман. Тудо лӱмынак черепахылан ямдылыме сийым веле кочкеш. Тыгайжым кевытыште налына, – ойла Кужэҥер район Салтакъял тӱҥалтыш школышто тунемше Василиса Соколова.
Оля МАЙКОВА.
Фотом еш архив гыч налме.
