Тений Коркатово лицейыште «Морко шӱшпык» волонтёр ушем дене Сеҥымашлан 75 ий темме лӱмеш ятыр пашам шуктена. Туныктышына А.В.Михайлова «И только детства вспомнить не могу, его война, как стебелёк, сломала…» проектше дене Марий Эл Правительствын грантшым сеҥен налын. Тыгаяк лӱман сборникым савыктен луктынна. Тушко тылыште тыршыше-влак нерген да сарын икшывыже-шамычын шарнымашыштым чумыренна. Ветеран-влак дене кутырымеке, тӱрлӧ шонымаш шочеш, да тыге каласыме шуэш: «Тау вуй ӱмбалсе волгыдо кавалан!»
Сеҥыше-влак радамыш логалше вес проект – «Память священна». Грант окса полшымо дене Коркатово администрацийын, клубын, книгагудын, лицейын пашаеҥже-влак Кугу Ачамланде сарыште вуйым пыштыше-влаклан шогалтыме памятникым чиялтеныт, йырже у печым печеныт. Шарныктышым уэмдымеке, Кокымшо тӱнямбал сар пытыме кечын тудым торжественно почынна (снимкыште).
Ирина ПЕТРОВА.
Морко район.
