31 октябрь – Хоккей вратарьын тӱнямбал кечыже. Тиде пайремым Артём Милочкин моткоч вуча, очыни. Тудо Волжск оласе «Ариада» хоккей командын (снимкыште) вратарьже. Чолга рвезым ятыр гана эн сай капка орол семын палемденыт. Тиде команде дене лишкырак палыме лийына.
Тренер-влак А.А.Ларин ден Б.Е.Михалёв «Ариада» комплексыште ар-няште кок гана йоча-шамычлан тренировкым ий ӱмбалне эртарат. Тушко тӱрлӧ ийготан кум команде коштеш. Нуно шайбым кышкаш, голым пурташ тунемме тӱрлӧ упражненийым ыштат. ™маште тӱнямбалне шарлыше черлан кӧра ий полатыште шуаралташ йӧн лийын огыл. Спортсмен-влак уремыште таҥасымашлан ямдылалтыныт. Антон Алексан-дрович ден Борис Евгеньевичын тыршымыштлан кӧра хоккеист-влак ятыр вере сеҥышыш лектыт. А.В.Та-расов лӱмеш «Шӧртньӧ шайбе» республикысе таҥасымаште эре ончылно улыт. Татарстан Республикын первенствыштыже кажне ийын вийыштым тергат да сеҥыше лийыт.
– Хоккеист пеҥгыде койыш-шоктышан, пеҥгыде капкылан, нелылыкым чы-тен кертше, писе, виян лийшаш, – ойла тренер А.А.Ларин.
•Анатолий Тарасов – кумдан палыме хоккеист, футболист, СССР-ын сулло спорт мастерже, СССР-ын сулло тренерже.
•Российыште хоккейын шочмо кечыжлан 1946 ий 22 декабрь шотлалтеш. Тиде кечын хоккей дене СССР-ын икымше чемпионатшын икымше матчше-влак Москошто, Ленинградыште, Ригыште, Архангельскыште, Каунасыште лийыныт.
•Шайбым пластик але вулканизированный резине гыч ыштат. Нелытше – 156-170 грамм.
