Йоча да самырык-влаклан В.Колумб лӱмеш книгагудо «Еш зонтик йымалне» квест-модышым дистанционно эртарен. Вич еш таҥасен. Нунын коклаште меат лийынна. Вич заданийыште шкем тергенна. Тӱрлӧ тӱс нерген ушештарыше сылнымутан произведенийлам шергалынна. Э.Успенскийын «Меховой интернат» йомакшым лудын, мут-шамычын мом ончыктымыштым умылтаренна. Теҥыз дене кылдалтше фамилий-влакым шоненна. Незнайкым асфальтыште сӱретлаш да Джанни Родарин йомаклаж гыч герой-влак дене еш фотосӱретым ышташ кӱлын. Мемнан пашанам кӱкшын акленыт. Ешнам диплом да пӧлек дене палемденыт.
Полина АЛЕКСЕЕВА.
Морко, Коркатово.
