«1961 ий 12 апрельыште мемнан элыште куан увер шарлен: айдеме икымше гана сандалыкыш чоҥештен. Юрий Гагарин «Восток-1» корабль дене 108 минутышто Мланде йыр савырнен. Тиде элнан историйыштыже кугу пайрем лийын. Ты кече лӱмеш авам дене коктын сӱретым сӱретленна», – каласыш Полина Гритчина да кок пашажым мыланем кучыктыш. Изи ӱдырын сӱретше-влак дене пайдаланен, Йошкар-Оласе 80-ше номеран йочасадыш коштшо икшыве-шамыч дене мутланымашым эртарышна. Нунылан шӱдыр, планет, сандалык да моло нерген пален налаш оҥай ыле. Полинан пашаже йочасадыште Авиаций да космонавтике кечылан пӧлеклалтше лукым келыштараш амалым ыштыш.
Надежда ГОДУНОВА.
Авторын фотожо.
