Сылнымут дек шӱман, марий да руш писатель-влакын произведенийыштым аклыше йоча-влаклан эртаралтше «Илыше классике» всероссийский конкурсын регионысо этапше мучашлалтын. Тений тудо индешымше гана эртаралтын да молгунамсе деч ойыртемалтше лийын. Жюри 40 йочан мастарлыкшым онлайн йӧн дене ончен. Кудытын сеҥыше радамыш логалыныт.
Рушла лудшо-влак коклаште:
Владислав Осокин, 10-шо класс (Волжск оласе 2-шо №-ан школ); Алина Зыкова, 10-шо класс (Йошкар-Оласе 24-ше №-ан школ); Милена Иванова, 8-ше класс (Звенигово районысо 1-ше №-ан Красногорский школ).
Нине тунемше-влак конкурсын финалыштыже Марий Элын чапшым онлайн йӧн дене аралаш тӱҥалыт.
Марла лудшо-влак коклаште:
Валерия Соловьёва, 10-шо класс (У Торъял школ); Лиана Семёнова, 9-ше класс (Марий Турек, Арбор); Елена Семёнова, 6-шо класс (Йошкар-Ола, Национальный президент школ-интернат).
«Илыше классике» – онлайн
