Юл кундем федерал округысо тунемше-влакын уш-акылым тергыше олимпиадыштын регионысо йыжыҥже радамыште 17 мартыште Марий кугыжаныш университетысе Сергей Карякинын шахмат школыштыжо «Мо? Кушто? Кунам?» модыш эртаралтын. Таҥасымашке республикысе олала да районла гыч латиндеш команде ушнен. ™дыр-рвезе-влак кӱчык жапыште 30 йодышлан вашмутым пуэныт. Йошкар-Оласе 11-ше номеран лицейын «ИнИгМА» командыже сеҥышыш лектын. Медведево район Руэм посёлкысо Шуко профилян лицей-интернатын «Империя седьмого измерения» командыже 2-шо лийын, Йошкар-Оласе 7-ше номеран школын «Поиск юных» командыже – 3-шо. «ИнИгМа» команде (снимкыште) 28-30 апрельыште Пермь олаште эртаралтше финалыште Марий Элын чапшым аралаш тӱҥалеш.
«ИнИгМа» эн пӱсӧ ушан
