Морко посёлкысо йоча книгагудо у сыным налын. Тушко йолташем-влак дене мийышна. Лудмо да модмо залла волгыдо, ару улыт. Лудмо залыште – кугу сцене. Тушто тӱрлӧ мероприятийым эртарат. Модмо залыш пурымеке, чылт мӧҥгыштӧ улмыла чучеш. Пушкыдо диваныште меат шинчен ончышна (снимкыште). Книгагудышто моткоч келшыш. Ынде тушко чӱчкыдынрак кошташ тӱҥалына.
Максим ЗОСИМОВ.
1-ше номеран Морко школ.
8 август — пырысын тӱнямбал кечыже. Эртыше ийын йочасадыште «Ме тыйын йолташет улына» кружокым вӱденам. Икшыве-влак дене пырыс нерген идалык мучко кутыренна. Тӱрлӧ урлыкым таҥастаренна, шымлымашым ыштенна. Йоча-шамыч шке сурт…
Кеҥеж, чевер кеҥеж, тый шокшо игечылан, тӱрлӧ тӱсан чиялан веле огыл, емыж-саскалан, пакчасаскалан поян улат! Сад-пакчашке лектын, тамле пушым шижын, мӧржымат, эҥыжшымат тамлен ончымо шуэш. Но нуно идалык мучко мемнам…