Юл кундем федерал округысо тунемше-влакын уш-акылым тергыше олимпиадыштын регионысо йыжыҥже Марий Эл Республикыште эртаралтын. «Мо? Кушто? Кунам?» уш-акыл модыш 19 командым ушен. Ӱдыр-рвезе-влак 24 йодышлан вашмутым кычалыныт. Йошкар-Оласе 11-ше номеран лицейын «ИнИгМа» командыже эн шуко баллым поген да сеҥышыш лектын. Кокымшо верым Курыкмарий районысо Микрӓк школ налын, кумшым – 2-шо номеран Медведево школ. Сеҥыше-влаклан диплом ден кубокым кучыктеныт.
«ИнИгМа» команде 5-7 майыште Пермь олаште эртаралтше финалыште Марий Элын чапшым аралаш тӱҥалеш.
