Марсель Иванов Морко посёлкысо 5-ше номеран йочасадыш коштеш. Кум ияш веле гынат, мастарлыкшым районысо тӱрлӧ конкурсышто ончыкта. Йочасадыште эртаралтше кажне пайремыш куанен ушна. «Зимушка хрустальная», 8 Мартлан, Сеҥымаш кечылан пӧлеклалтше конкурслаште почеламутым сылнын лудмо дене икымше верым сеҥен налын. Шукерте огыл Марсель икымше гана кугу сценыш лектын.
– Марсель марла сайын мутлана. Сандене почеламутым куштылгын да писын тунемеш. «Колумб лудмаш» регион-влак кокласе сылнымут пайрем кугу ошкыл лийын. Тушто Марсель «Йоча ден кече» почеламутым лудын, – ойла воспитатель С.В.Емельянова.
Изи да чолга
