Йоркширский терьер – кужу порсын пунан да изи капан урлык пий. Суртышто ашнаш келшен толеш. Тыгай пийым оласе уремлаште коштмо годым чӱчкыдын ужаш лиеш, ялыште гын, шуэракын. Теве Шернур округ Кугэҥер ял гыч Кузьминмыт ешыште Олимп лӱман йоркширский терьер (снимкыште) ила. Койсола школышто 4-ше классыште тунемше Матвей тудым пеш йӧрата.
– Олимп чулым, модаш кумылан. Сурт янлыкнан паспортшат уло. Уремыште огыл, пӧртыштӧ ила. Мончаш пураш йӧрата. Пунжо кушмеке, янлык тӱредме верыш коштыктена. Тӱрлӧ командым шукташ туныктем, – ойла рвезе.
Палаш оҥай
* Нарынче-кӱреналге тӱсан ты урлык пий 14-23 сантиметр марте кушкын кертеш, 2-3,2 килограмм марте нелытым пога.
* Пунжо чот ок його, ӱмыржӧ мучко кушкеш, садлан тудым кӱлеш годым тӱредман.
* Изи гынат, огеш лӱд. Модаш йӧрата. Шкет кодмеке, пеш йокроклана.
* Нарынче-кӱреналге тӱсан ты урлык пий 14-23 сантиметр марте кушкын кертеш, 2-3,2 килограмм марте нелытым пога.
* Пунжо чот ок його, ӱмыржӧ мучко кушкеш, садлан тудым кӱлеш годым тӱредман.
* Изи гынат, огеш лӱд. Модаш йӧрата. Шкет кодмеке, пеш йокроклана.
Оля МАЙКОВА.
Фотом еш архив гыч налме.
