«Мастар еҥым товарвондыжат пукша», – маныт калыкыште. Тудо эре пашаште да сомылжат калык ончылно.
Н.А.Овчинникова Морко район Ӱшӱттӱр ялеш шочын. Советский район Вечын селасе йочасадыште 17 ий воспитательлан пашам ыштен. Наталия Ананьевна кидпашалан изинек шӱман: пидеш, тӱрла. Кум ий ончыч курчак-влакым пидаш тӱҥалын. Йоча-шамычым шочмо йӱла дене палдарыме годым модышыжлан тӱрлеман, марий тамган вургемым лӱмын ямдылен. Воспитататель шке пашажым Вечын селасе клубышто эртаралтше «Мама-искусница» конкурсыш луктын да сеҥыше радамыш лектын. Тудын курчакше-влак дене эсогыл Ямал- Ненец автоном округыштат ньога-шамыч модыт.
З.ТИМОФЕЕВА.
