Тений Юрино посёлкысо Шереметев замокыш миен толаш пиал шыргыжалын (снимкыште). Тудо Юл серыште верланен. Икымше туныктышына Светлана Михайловна тушко каяш таратен. Замок нерген паленам, но шке ужаш, эртыме корныж дене палыме лияш кумыл эре лийын. Мемнам поро шинчаончалтышан экскурсовод вашлийын. Тудо Шереметевмыт, нунын арверышт нерген шуко оҥайым каласкален. Ик пӧлемыште марий сӱретче Иван Ямбердовын сӱретше-влакым ужаш куанле лийын. Мӧҥгӧ толшыла, Женское ер дек шогалынна. Вершӧрна могай мотор да поян улмаш.
Эрвин МОРОЗОВ.
Параньга, Матародо.
