Верхняя Речка эҥер воктене шочмо Кӱанэҥер ялем верланен. Тораште огыл Виче йоген эрта. Йӧратен ончем тудын кечыйол дене модшо йогынжым. Коклан кол тӧрштылеш. Вӱд ӱмбалне кайык-шамыч чоҥештылыт, шукш-копшаҥгым поктылыт. Янлык-шамычат серыш каналташ толыт. Южшат тушто юзо виян, очыни. Садлан вӱд воктене еш, йолташ-влак дене пырля жапым эртараш чон ӱжеш.
Нелли РЕЗАНОВА.
Виче кундем, Малмыж, Кӱанэҥер.
Авторын фотожо.
Ме, Волжск оласе экологий рӱдерыш коштшо рвезе-влак, Угарман кундемысе Богородский округ Сысоевка ялыште эртаралтше Школ лесничестве-влакын слётыштышт лийынна (снимкыште). Ик кечат арам эртен огыл. Мастер-класслаште у сомыллан тунемынна, конкурс годым…
Кундемыштына жапын-жапын йӱр йӱреш, леве мардеж пуалеш. Тыгай игече поҥгылан шочашыже келшыше. Ача-ава, коча-кова-влак, икшывыштым, уныкаштым пеленышт налын, поҥгым погаш вашкат. Тудымат погаш шинчымаш кӱлеш, тӱткӧ лийман. Тӱрлӧ йодышым рашемдаш…
