Руш йылме дене шке тӱвыра да шочмо йылме дене руш тӱвыра нерген сочиненийым возымо всероссийский конкурсын федерал йыжыҥыштыже Марий Эл гыч сеҥыше-влак улыт.
«Шке тӱвыра нерген руш йылме дене возымаш» таҥасыште Степан Сафронов кумшо верым налын. Рвезе Йошкар-Оласе 10-шо номеран школышто 5-ше классым тунем пытарен.
– Конкурсыш ушнаш руш йылме ден литературым туныктышо Наталья Александровна Пуртова темлен. «Келшымаште – вий» йомакым шоненам. Руш патыр Иван, марий сонарзе Аксар да татар имнешке Булат Кишке Раздорыч ваштареш рӱж шогалыныт. Тудыжо Йошкар олам (Красный город) пытарынеже, пӧръеҥ-влакым ваш сырыктынеже улмаш. Келшымаш, калык-шамычын пеҥ- гыде йӱлашт, ава-влакын мунло улмышт тушманым сеҥаш полшеныт, – йомакысе сӱрет дене Степан палдарыш.
«Руш тӱвыра нерген шочмо йылме дене возымаш» таҥасыште Медведево район Знаменский школышто 7-ше классым тунем пытарыше Кирилл Гусев лауреат лийын. Тудо ты конкурсышто ӱмаштат вийжым терген да кумшо верыш лектын. Тений «Шочмо йылмем – калыкемын поянлык! Шочмо йылмем – мыйын пиалем» эссем возен. Рвезе-влакым снимкылаште ужыда.
Оля МАЙКОВА.
Фото-влакым Марий Элысе Образований да науко министерствын «ВКонтакте» воткылысе тӱшкаж гыч налме.
