27 февральыште Советский район Кодам школышто поэт-фронтовик Василий Рожкинын шочмыжлан 110 ий темме лӱмеш сылнымут пайрем эртаралтын. Тушко районысо школла гыч йоча-шамыч да туныктышо-влак погыненыт. Марий йылмым шочмо да кугыжаныш йылме семын тунемше-шамыч коклаште почеламутым сылнын лудмым жюри аклен.
1-4-ше класслаште шинчымашым погышо-шамыч коклаште Виктория Кудрявцева (Кужмара), Данил Репин (Ӧрша) икымше верыш лектыныт. Анастасия Алембаева (Кужмара), Виолетта Трифонова (Кельмаксола), Алина Ягодарова (Роҥго) 5-8-ше класслаште тунемше-влак коклаште сеҥеныт.
Дана Актанаева (Кельмаксола), Ксения Мамаева (Светский посёлкысо 3-шо номеран школ) кугурак ийготан-влак коклаште икымше верым сеҥен налыныт.
Муро номинацийыште жюри икымше верым Аделина Полушина (Ӧрша) ден Татьяна Корольлан (Роҥго) пуэн.
Марий йылмым да литературым туныктышо-влаклан самырык тукымым шочмо сылнымутым палаш да аклаш шӱмаҥдымыштлан тауштена. Ончыкыжымат тыгай мероприятий-шамыч эртаралтыт да ӱдыр-рвезе-влакым иквереш погат манын ӱшанена.
З.ТИМОФЕЕВА.
