«Казаков лудмаш» районысо конкурс ий еда эртаралтеш. Тений Морко районын 100 ияш лӱмгечыжлан пӧлеклалтын. Таҥасымашке тӱрлӧ школ гыч 46 икшыве ушнен. Эҥерсола школна гыч Мария Николаева почеламутым лудмаште икымше лийын, а Даша Зорина прозым эн сылнын каласкален. Кугурак ийготан-влак коклаште Виктория Краснова прозым лудмаште кокымшо верыш лектын. София Ефимова почеламутым сылнын ойлен, кумшо верым сеҥен налын. Мый шке возымо сылнымутем дене кумшо верыш лектынам. Ончыкыжымат школнан чапшым кӱшнӧ кучаш тӱҥалына.
Ксения БУТЕНИНА.
Снимкыште: сеҥышыш лекше ӱдыр-влак.
Фотом школ архив гыч налме.
