Шукерте огыл Арын школышто Марий талешке кечылан пӧлеклалтше пайрем эртаралтын. Кажне класс ик талешке дене палдарен. Нылымше класс гыч ты мероприятийыш Гавриил Александров ушнен. Тудо Шернур да Кужэҥер велысе Камай патыр нерген каласкален. Талешке марий калык верч одо патыр дене лӱдде кредалын. Тушман сеҥалтын да, войскажым поген, шке кундемышкыже каен. А Шернур велне кызытат Камай чоҥга уло. Южгунам, тура кечывалым да пелйӱдым, патырын ӱмылкаже шинчалан коеш, маныт калыкыште.
Олимпиада ВАСИЛЬЕВА.морко район
