Черетан тунемме идалыкым иктешлымеке, Эҥерсола школышто тунемше-влак Озаҥ олашке экскурсий дене миенна. Программе поян лийын, ме шуко оҥайым пален налынна да ужынна. Зооботанический сад кумылым савырен. Шуэн вашлиялтше кушкыл ден янлык-влакым эскеренна. Кремль татар калыкын эртыме корныжым арала, историйлан поян. «Казан» еш рӱдерысе смотровой площадкыште лийынна. Тушеч чумыр ола раш коеш. Бауман урем мучко ошкылынна да моторлыкым ончен куаненна.
Озаҥ – кугу да сылне ола. Тудо ятыр шарнымашым коден да угыч вашлияш кумылым савырен. Эше ятыр верым ончаш шонымаш уло.
Даша ЗОРИНА.
Морко район.
