Кеҥеж – чыла чонанын йӧратыме пагытше. Мландава кажныжым куандара. Чевер кече, яндар юж, леве вӱд, тӱрлӧ саска, емыж да молат – ты пагытын поянлыкше. Чылажат айдемылан шерге. Йол йымалнак – ужар шудо. Тудыжо вольыклан пеш пайдале. Ял калык кеҥеж рӱдыштӧ телылан шудым ямдыла. Ондакрак тиде пашам кидвий дене шуктеныт гын, кызыт технике алмаштен. Шукынжо рулоным ыштат. Мыланем гын шудын пӱтырмыжым да ораш савырнымыжым эскераш оҥай. Машина дене кудалме годым корно воктене шудо орам ужмеке чарнена, лишке миена да ончена. Теве фотом ыштенна. Снимкыште Дима изам дене коктын улына.
Паша УХОВ.
Йошкар-Ола.
Фотом еш архив гыч налме.
