Кином войзеныт

21-24 августышто Марий Турек район Сардаялыште социальный кином войзеныт. «Образ жизни» поро кумылым ончыктымо фонд да «Мы в кадре» российысе медиаволонтёр-влакын школышт тиде проектым илышыш шыҥдарат. Сардаял да Тат-Китне школласе тунемше-шамыч профессионал-влак дене пырля сценарийым возеныт, войзалтыныт, ужашлам программе полшымо дене ушеныт. Ямде роликым калыклан ончыктеныт.
– Школна арам огыл «Мы в кадре» маналтеш. Ме чоным тургыжландарыше йодышлам раш ужына. Тудын нерген ролик полшымо дене каласкалена. Тыгай пашалан йоча-влакым туныктена, – ойла «Образ жизни» фондын директоржо Елена Береговая.