Тыгай сетевой проектыш ме, Михаил Губашов, Линар Шарифьянов, Кирилл Макаров, Саша Винокуров да мый, ушненна. Командынам «Книгочеи» манын лӱмденна. «Книгочей» – тоштемше мут. Ожно книгам лудаш йӧратыше еҥым тыге маныныт. Ме сылнымутан литературым лудаш йӧратена. Сетевой проектыште Наталья Егорован «Лапы, крылья, три хвоста!» книгаж нерген каласкалена. Тӱҥ герой-влак Макс Браун пырыс, Хохолок садовник, Лёвчик Мышкин тӱрлӧ историйыш логалыт, но шонымашкышт шуыт: пырысын Роза коважым кычалын муыт. Эн оҥайже: Макс Браун англичанла кутыра. Книгам лудмо годым шуко англичан мутым тунемаш лиеш.
Книгам лудмеке, ме сӱретым сӱретленна, сценкым модын ончыктенна, викторинылан, кроссвордлан йодыш-влакым келыштаренна.
Егор БАЙБАЕВ.
Медведево, Руэм.
