Школышто физике ден химий арня эртаралтын. Изирак класслаште тунемше йоча-влакат ушнен улына. «Точка роста» рӱдерын кабинетлашкыже экскурсий дене миенна. Кугурак класслаште тунемше-влак физике ден химий лабораторийыште опыт-шамычым ыштен ончыктеныт. Мыланна тул деч посна шикш лекмаш оҥайын чучын, шке ыштыме шонанпыл ден волгенче келшеныт. Лабораторийысе прибор, препарат-влак нерген каласкаленыт. Кушкын шумеке, физике ден химий предмет-влакым келгын тунемаш кумылаҥденыт.
Ирина ЕГОШИНА.
У Торъял, Немда.
