Кочам Анатолий Григорьевич Дмитриев (снимкыште) шуко йочан марий ешыште шочын. Изиж годсек чолгалык дене ойыртемалтын. Кушкын шумекыже, сурт-печым шке чоҥен, сурткӧргысӧ мебельымат ыштен. Кызыт коча-кова дене пырля ты пӧртыштӧ меат илена.
Кочамлан – 67 ий. Кажне эрдене капкылжым лывырта, зарядкым ышта. Кеҥежым куржталеш але велосипед дене кудалыштеш. А телым кажне кечын ече дене 30 километрым эрта. Анатолий Григорьевич тӱрлӧ таҥасымаште вийжым терга. Республикысе кӱкшытыштат ятыр гана сеҥышыш лектын. Кочам гармоньым шокташ мастар. Мый туддене кугешнем да примерлан шотлем.
Александра НИКИТИНА.
Татарстан, Агрыз, Буймо.
Фотом еш архив гыч налме.
