Кугезе кочам Юрий Павлович Щербаков 1926 ий 25 январьыште Советский район Ӱшнӱр селаш шочын. Сар тӱҥалме годым латвич ияш лийын. Сарыш латкуд ияш шыпак каен. Сталинград олам аралымаште лӱддымын кредалын. Вара полковой разведкыш налыныт. Тыге тудо партизанский отрядыш логалын да диверсионный пашам шуктен. Сар жапыште кок гана нелын сусырген. Сеҥымаш кечым госпитальыште вашлийын. 1945 ий августышто кочамым советско-японский сарыш колтеныт. Варажым шочмо ялышкыже пӧртылын да колхозышто бухгалтерлан пашам ышташ тӱҥалын.
Патырлыкым да лӱддымылыкым ончыктымыжлан кочамым «За отвагу» кум медаль, Йошкар Шӱдыр орден дене палемденыт. Кочам 1991 ий 4 апрельыште мемнан дене чеверласен. Мый тудым талешкылан шотлем. Пагалыме еҥем дене кугешнем.
Даша ЩЕРБАКОВА.
