Пӧтъял школын тунемшыже-влак «Спасибо за заботу» всероссийский акцийышке ушненыт. Нуно школышто кочкаш шолтен пукшышо, арулыкым эскерыше-влаклан таум ойленыт. Шке гыч сӧрастарыме открыткым кучыктеныт да пеледыш аршашым пӧлекленыт. Нине пашаеҥ-влакын сомылышт кажне еҥлан огеш кой гынат, моткоч кӱлешан пашам шуктат. Садлан нуным пагалыман да аклыман.
Н.ВАСИЛЬЕВА.
Волжский район.
