Шукерте огыл Марий Турек посёлкышто «Рябинушка» ансамбльын лӱмгече концертше эртаралтын. Ансамбльын йоча спутникше уло (снимкыште). Тушко мый визымше ий коштам. Ме, 1-9-ше класслаште тунемше-шамыч, тӱшкан руш муро-влакым гына мурена. Шкет мурышо-шамычат улыт. Марлат, татарлат мурым йоҥгалтарен кертына. Ансамбльышкоштмо дене сценыште шкем чолган кучаш, чын мураш тунемына, йӱкна вияҥеш. Лӱмгече концертыште репертуарыштем улшо муро-влакым йоҥгалтараш кугу куан ыле. Районлаште тыгай коллектив, уста вуйлатыше-шамыч лийыт гын, молан шкем вияҥдаш огыл?!
Полина ЩЕГОЛЕВА.
Марий Турек.
Фотом ансамбльын архивше гыч налме.
