Светофор, светофор,
Тый улат корно орол!
Азап дечын аралет,
Корным ончык ончыктет.
Ужар тӱсым мый ужам,
Чон ласкам ден ошкылам.
Йоча-влак, шекланыза,
Светофорым ончыза!
Йоча-влак, корнышто коштмо годым тӱткӧ лийза. Светофор уло гын, эскерыза. Теве Йошкар-Оласе 61-ше номеран йочасадыште светофорын кечыжым эртареныт (снимкыште — «Дюймовочка» группо). Кажне группыш коштшо йоча-шамыч могай-гынат заданийым шуктеныт. Эн тӱҥжӧ: икшыве-шамыч светофор нерген шуко ум пален налыныт. Мутлан, Российыште икымше светофорым 1930 ий тӱҥалтыште Ленинградыште шогалтеныт. Корнышто коштмо правил-влакым ушештареныт.
Надежда ГОДУНОВА.
Фотом йочасадын архиВше гыч налме
