Тунемше-влакым спорт туризм деке шӱмаҥдыме, шочмо кундемым шымлаш кумылаҥдыме шонымаш дене «Край родной, навек любимый» туриаде республикыште эртаралтеш. Ӧрша тӱҥ школын тунемшыже-влак, тушко ушнен, «Ӧрша–Шабашан» маршрут дене ик кечаш походыш миеныт. Шнуй памаш воктене йоча-влакым Руфина матушка вашлийын. Тунемше-шамычлан шнуй вер, храм нерген каласкален. Пӱртӱс лоҥгаште кечывал кочкышым ыштеныт. Тулото йыр шинчын, мурым муреныт. Поход чылалан келшен. Вескана уло школ дене каяш кумылаҥыныт.
И.ВЕДЕРНИКОВА.
Советский район.
