Вашке У ий шуэш. Чылан юзо пайремым вучена. Ончылгоч ямдылалтына. Эн ондак кожым шогалтена. Йоча-влак, а те паледа, 20 декабрь – у ий кожын шочмо кечыже.
1699 ий 20 декабрьыште Петр I кожым у ий пайрем пушеҥге семын пеҥгыдемдыме нерген пунчалеш кидпалыжым пыштен. У идалык 1 январь гыч тӱҥалын.
Молан лач кожым ойырымо шотышто ятыр легенде уло. Теве иктыже. Иисус шочмеке, Вифлеем пещерышке вуйым саваш ятыр пушеҥге толын. Пальме, ваштар, куэ, тополь, эвкалипт да тулеч моло. Кужу корным ончыде, пытартышлан кож толын. Ӧрдыжтӧ шоген, койынат огыл. Шиждымын, Рошто юзо озаланен. Кава гыч мландымбаке шӱдыр-влак йогаш тӱҥалыныт. Кожеш пижыныт. Изи кож йыли-юли йылгыжын, эн мотор лийын. Тиддеч вара У ий пайремлан шогалтен сӧрастарат.
Паша УХОВ.
Йошкар-Ола, 80-ше номеран «Ӱжара» йочасад.
Снимкыште: Паша Ухов.
Фотом еш архив гыч налме.
