Сар чарнымылан шуко ий эртен гынат, элнам аралыше-влакым эре шарнена. Мыйын кугезе кочам Василий Андреевич Александров Шернур район Чашкаялыште шочын. Кугу Ачамланде сар тӱҥалмеке, элнам аралаш каен. Тудо Кёнигсберг марте кредалмаште лийын. 1943 ийыште нелын сусырген. Госпитальыште эмлалтмеке, угыч сарыш каен. Псков да Новгород область-влакым, Прибалтикым тушман деч утарымаште лӱддымылыкым ончыктен. Тудым орден да медаль-влак дене палемденыт. Кочам сар деч вара ялышкыже пӧртылын. Пашам сайын ыштымыжлан «Ветеран труда» медаль дене палемдалтын. Мый кугезе кочам дене кугешнем.
Яндар ШАБДАРОВ.
Йошкар-Ола.
