30 апрельыште пожарный-влак профессиональный пайремыштым палемденыт. Медведево районысо У Арбан йочасадыш коштшо икшыве-влаклан тидын нерген каласкаленна. Тулын эҥгекше нерген умылтаренна. Шырпе модыш огыл манын ойленна. Тиде кечылан йочасадыш пожарный машинам лӱмын ӱжынна. Пожарный-влак А.Г.Кудрявцев ден А.Н.Скобелев пашашт нерген каласкаленыт. Йоча-шамыч пожарный машина дене лишкырак палыме лийыныт. Руль воктеке шинчын онченыт, кушто мо верланымым эскереныт.
И.СЕМЕНОВА.
