Шочмо верем, Кукнурем
Тыйым пешак йӧратем.
Йочасадышке коштам,
Вара школышко куржам.
Ятыр пагыт эрымеке,
Вузым тунем пытарымеке,
Сай профессийым налмеке,
Кукнурышкем пӧртылам.
Ом вашталте нигунам
Шке йӧратыме селам.
Матвей ЯМБАРШЕВ.
Шернур район.
Чын корно дене ошкылыт
«Йочам сылнымут деке эр шӱмаҥдет гын, лектыш куандарыше лиеш», – манеш Морко район Арын кыдалаш школышто тӱҥалтыш класслам туныктышо Олимпиада Алексеевна Васильева. Тудо ӱдыр-рвезе-влакым икымше класс гычак тӱрлӧ конкурслан ямдыла.…
