Илыш ик верыште ок шого, эре вашталтеш. Теве ынде марий яллаштат йоча-влак утларакшым рушла мутланаш тыршат. Мыйын шонымаште, тыште ача-ава-влак титакан улыт. Нуно пуйто тыге йочаштым оласе илышлан ямдылат: ешыште рушла веле кутырат.
Мый гын шочмо марий йылмем йӧратем, мутланаш ом вожыл. Олашке каен, шочмо йылмым кузе мондаш лиеш?
Икшыве-влак, мутланыза марла. Тудо мемнан вўрышкынак шыҥдаралтын.
Анжелика НИКИТИНА.
Морко, Коркатово.
Туныктышо. Тиде мутым колмек, шинча ончылнем вигак авамым ужам. Тудо школышто руш йылме ден литературым туныкта. Алеся Валериевна пашам йӧрата, поро лияш кумылаҥда, келге шинчымашым пуа, йоча-влакым пагала. Мыйымат тӱрлӧ…
Елизавета Александровна – мыйын йӧратыме туныктышем. Тудо Коркатово лицейыште физкультурым туныкта. Туныктышын тыршымыжлан кӧра ме писын куржталаш, пионербол дене модаш, ече дене чын кошташ, ияш тунемына. Тудо мемнам тӱрлӧ таҥасымашке…