«Живая классика» всероссийский конкурсын регионысо йыжыҥжым иктешленыт. Республикысе тӱрлӧ школышто тунемше 43 йоча мастарлыкшым онлайн ончыктен. Марла лудшо-влак коклаште Шернур район Лажъял школын 6-шо классыштыже тунемше Алиса БУСЫГИНА сеҥышыш лектын.
Рушла лудшо-шамыч коклаште Мария Торощина (Йошкар-Оласе Т.В.Иштри-кова лӱмеш «Синяя птица» гимназий, 8-ше кл.), Анна Седых (У Торъял школ, 6-шо кл.), Дарья Пирогова (Кужэҥер школ, 7-ше кл.) ойыртемалтыныт. Кум сеҥыше Марий Элын чапшым конкурсын полуфиналыштыже аралаш тӱҥалеш. Тудо 4-5 майыште «Артек» тӱнямбал йоча рӱдерыште эртаралтеш. Сеҥымашым тыланена.
