Кажне кеҥежым кочам деке унала Морко район Семисолаш кудалам. Кум уреман ял мыланем моткоч келша. Тушто шуко ӱдыр-рвезе дене палыме лийынам, нунын дене ынде сай йолташ улына. Пырля модына, Ировко эҥерыш йӱштылаш коштына, верысе книгагудышто жапнам эртарена. Пошкудо Нурӱмбал ялыш икмыняр гана миенам. Тушто йоча-влак мыланем школым ончыктеныт.
Семисола деч тораште огыл – Чӱкшӧ курык. Тушко Олег кочам чӱчкыдын наҥгая. Карьер кугу, ӧрыктарыше. Верысе чодырат сылне. Тудыжым кочам «Шке вич парням гай палем» манеш.
Екатерина МАКАРОВА.
Йошкар-Ола, 2-шо номеран школ.
Оля Майкован фотожо.
