23-29 июньышто Марий Элын командыже «Лўдыкшыдымылык школ» таҥасымаште вийжым терген. Тушто 16 ўдыр-рвезе да 4 кугыеҥ лийынна. Теният мыланем республикысе командын сборныйыштыжо лияш пиал шыргыжалын. Таҥасымаш Мордовий Республикысе Большеберезниковский районышто эртаралтын.
Тўрлӧ нелылыкым эрташ логалын, творческий визиткым ямдылыме, пожарный эстафете, кычалме да утарыме паша, кросс да спорт упражнений-влак лийыныт. Икымше кечылаште сеҥымашке шуын кертыт, но вара ме садак ончыл верыш лектынна. Мемнан команде чыла заданийым сайын шуктен да изирак ийготан-влак коклаште кумшо верым сеҥен налын. Кугурак ийготан-шамыч коклаште таҥасыше команде кокымшо вер дене палемдалтын.
Тыгай таҥасымаш сылне вершӧрым ужаш, у йолташым муаш йӧным пуа. Туризм дене умбакыжат кылым кучаш шонем.
Анна АНДРЕЕВА.
Кужэҥер, Шўдымарий.
