Мый кажне ийын могай-гынат лагерьыште канем. Шукерте огыл «Лесная сказка» лагерь гыч пӧртылынам. Ме «Страна героев» проектын кышкарыштыже лийынна. Мый кумшо сменышке логалынам. Тушто моткоч келшен. Чылаже 420 наре ӱдыр-рвезе каненна. Марий Эл гыч иктаж шымытын гына миенна. Шукынжо Угарман кундем ден Подмосковье гыч толыныт. Мый кандашымше отрядыш логалынам. Гитарым шоктышо-влакат лийыныт. Изи тул годым кечынам иктешленна. Вожатый-влак поснак чот келшеныт. Алёна Владимировна, Алексей Алексеевич да Азалия Айдаровна поро кумылан, весела улыт. «Лесная сказка» лагерьыште канымаш чоныштем эн поро шарнымашым коден. Вес ганат тушко каяш кумылем уло.
Регина ГРИГОРЬЕВА.
2-шо номеран Морко школ.
Снимкыште: «Лесная сказка» лагерьыште каныме годым мемнан кандашымше отрядна.
Фотом лагерьын архивше гыч налме.
