Республикысе тунемме тӧнежлаште 5-7 класслаште тунемше-шамыч «Большая перемена» всероссийский конкурсын иктешлыше йыжыҥышкыже каеныт. Тудо 20-24 июльышто «Артек» тӱнямбал йоча рӱдерын лагерьысе смене кышкарыштыже эртаралтеш. Марий Элын чапшым Михаил Исмаков (29-ше номеран школ), Илья Шавкунов (Бауман лицей), Екатерина Речкина (14-ше номеран гимназий) да Агния Останина (11-ше номеран лицей) аралаш тӱҥалыт. Участник-шамычым у палыме-влак, шинчымаш да опыт вучат. Палемдыман, Шем теҥыз воктеке каяш «Образований» национальный проектын «Патриотическое воспитание граждан Российской Федерации» федерал проектше полшен. Ӱдыр-рвезе-влакым сеҥымаш дене вучена!
Фотом Марий Эл Республикысе Образований да науко министерствын сайтше гыч налме.
