Туныктышына Олимпиада Алексеевна арнялан ик гана класс шагатым эртара. Ты гана Ленинград оласе блокаде нерген каласкален, ятыр фотом ончыктен. Сар жапыште мемнан таҥаш йоча-влаклан моткоч йӧсӧ лийын улмаш. Изинек шуко чыташ, пашам ышташ логалын. Ме нуным чаманенна. Лиза тыге манын: «Эх, лийже ыле полшаш. Эн тамле кампеткем-влакым пуэм ыле…». «Мый шкенан деке ӱжам ыле», – ешарен Костя. Туныктышына сеҥымашлан ӱшаным пӧлеклыше вараксим дене палдарен. Ме тудым кагаз гыч ыштенна (снимкыште). Чонланна ласкан чучын. «Мыйынат кайыкем еҥ-влаклан полшаш тӱҥалеш», – ойлен Фёдор.
Кирилл ИВАНОВ.
Морко, Арын.
Фотом школ архив гыч налме.
