Ме, Сотнур школын тунемшыже-влак, Анапыште эртаралтше «Президентский спорт модмаш» всероссийсий спорт таҥасымашын финалыштыже Марий Элын чапшым араленна. Тушто Российын 83 регионжо гыч самырык спортсмен-влак таҥасеныт. Ме волейбол, баскетбол, теннис дене модынна, куштылго атлетикыште вий-куатнам ончыктенна. Команде дене 34-ше верыш лектынна. Личный зачётышто рвезе-влак коклаште эн шуко очком мемнан школ гыч Александр Иванов поген. Тудо икымше верым сеҥен налын. Ӱдыр-влак коклаште мый кумшо лийынам. Мӧҥгӧ нӧлталалтше кумыл дене пӧртылынна.
Алёна ЧАПИШЕВА.
Волжский район.
