Ятыр ешыште пырыс ила, шонем. Тудым кажныже шке семынже йӧрата. Мый Маюкем моткоч чот пагалем. Снимкыште коктын улына. Сур тӱсшым ончен шерем ок тем. Йочасад гыч толмекем, пырля модына. Тудо мемнам вуча. Эвелина шӱжаремат Майям йӧрата. Ныл йолан йолташна – эреак пеленна.
Арина НИКОЛАЕВА.
Йошкар-Ола, 80-ше номеран йочасад.
Фотом еш архив гыч налме.
Мемнан кок пий уло. Иктыже кугу капан да йошкар тӱсан. Лӱмжӧ – Мира. А весыже – Джек, изирак капан да кӱреналге тӱсан. Мый нунылан кочкаш пуэм, олым гыч вакшышым шарем.…
Меат пырысым ашнена. Тудо 15 январьыште игым ыштен. Кызыт пырысигына (снимкыште) кугу лийын: шинчажат почылтын, пӧлемлаште кудалышташ тӱҥалын. Мый тудлан Кече лӱмым пуэнам. Лӱмжӧ ачамланат, авамланат, кочам ден кувавамланат келшен.…
