Авана деке йыҥгыртен, «Ме Малаховын передачыж гыч улына, эргыда-влакым ӱжнена» манын каласеныт. Тиде мыланна чот куанле увер лийын. Ондак Малаховын командыже шочмо кундемышкына войзаш толын, а кок кече гыч ме Москоштат лийынна. Андрей Малахов дене вашлийын мутланенна, автографшым налынна. Ме, Алексей, Никита да Илья, марла куштымашым ончыктенна, йодыш-влаклан вашмутым пуэнна. Шуко еҥ дене палыме лийынна. Ынде передачын телеэкраныш лекмыжым чон вургыж вучена. Кугу таум Саша Ивановлан ойлена. Тудо телепередачын редакцийышкыже серышым колтен.
Изак-шоляк Шабдаровмыт.
Шернур, Марисола.
