Марий Элыште вӱдыш пуреҥгайыше-влакын чотышт шукемеш. Нунын коклаште йоча-влакат улыт. Вӱд воктене чот тӱткӧ лийза!
Шарныза!
- Йӱштылаш келыштарыме верлаште гына вӱдыш пураш лиеш.
- Йоча-влак, кугыеҥ-шамыч деч посна йӱштылаш ида кошт!
- Ийын огыда мошто гын, пуэн овартыме матрас, оҥа дене вӱдыш ида пуро.
- Вӱдыштӧ эҥгекыш логалшылан икымше полышым пуаш тунемза.
- Вӱдыштӧ икте-весым ида лӱдыктыл, ида шӱкедыл, весылан йӱштылашыже чаракым ида ыште.
Шотыш налза!
- Вӱдыштӧ йолдам але киддам шӧн шупшын гын, ида ӧрткӧ. Тупыш возын, ияш тыршыза. Серыште улшо-влак деч полышым йодса.
- Вӱдпӧрдемыш логалмеке, вӱдйогын почеш ӧрдыжкӧ кораҥаш тыршыза.
- Виян вӱдйогыныш логалмеке, ваштареш ийман огыл, почешыже каен, сер деке лишемза.
- Вӱдпорсынеш пӱтырналтмеке, тупыш возын, эркын тарванылын, сер деке ияш тыршыза. Тыге ок лий гын, йолым мӱшкыр деке лишемден, вӱдпорсыным кид дене кораҥдыза.
