10-19 июльышто Марий Эл Республикысе «Авангард» военно-патриотический рӱдерыште военно-спортивный лагерь сбор эртаралтын. Тушко Марий Турек район Нартас школын 10-шо классшым тунем пытарыше рвезе-влак Александр Рычков ден Даниил Тимофеев ушненыт.
Сборышто парашютым шымленыт, 25 километрым вӱд дене воленыт, ориентированийыште вийыштым тергеныт. Саша ден Даниил икымше гана парашют дене тӧрштеныт.
– Парашютын лӱдыкшыдымылыкшылан ӱшаненна. Кугун шӱлалтенна да тӧрштенна. Южышто улмо годым адреналиным, кугешнымашым да куаным шижынна, – ойлат рвезе-влак.
