Ме, «Марий сылнымут садвечыште» кружокын эн чолга еҥже-влак, Марий тиште кечылан пӧлеклалтше районысо квиз-модышышко ушненна. Тушто «Марий тиште кече», «Марий пайрем», «Марий сылнымут» да «Мыскара тӱня» ужаш-влак лийыныт. Командына «Марий тамга» маналтын. Мыланна пайремлан пӧлеклалтше ужаш поснак келшен. Туныктышына Елена Валериановна урокышто марий пайрем нерген каласкала, йӱлам шуктымо мероприятийымат эртара. Садлан кугу нелылык дене тӱкнымӧ огыл. Ме, эн шуко баллым поген, сеҥышыш лектынна.
Дмитрий ЕГОРОВ.
Морко, Шӱргыял.
